Ramah Tamah BPP Moria dan Keluarga , 4-5 Januari 2022 “SENANGNA SADA PERARIH (Masmur 133:1-3). “
Sada Perarih desken minak ras embun. Minak biakna leket la terpesirang. Minak simbol urapan man kalak si terpilih (orang pilihan). Minak e pe simbol pertobaten dan pembaharuan. Kiniersdan bagi minak lit i je toleransi, perdamaian, harmoni, setia kawan, bersinergi. Kiniersadan desken embun, amin pe musim perlego embun si nusur i deleng Hermon nari ngelitapi taneh ras sinuan-sinuan, erbahansa taneh e subur, mehuli perturah sinuan-sinuan. Embun ngampang-ngampangi sinuan-sinuan arah las matawari e maka la ia melus aminna pe las wari. Bage min persada i bas Moria, lit i je toleransi ertina sialem-alemen (saling memaafkan), lit perdamen, ngasup ngaloken teman uga ia litna, harmonis, perbedan si lit nambahi kinijilen bas persadan e, setia kawan ras bersinergi ertina sisampat-sampaten.
Kegeluhen ras pelayanen Moria i bas jabu, gereja ras masyarakat maba aroma si merim, sejuk, mereken perlindungen ras lit lalap pembaharuan si mehuli ku sekelewetna. Persadan e mehuli adi Moria memiliki nilai spiritualitas tinggi si teridah arah kinerja si teptep wari.
