MORIA NGGELUH, MORIA ERNANAM

Moria nggeluh, Moria ernanam sada motto si ibahan moria i bas ndalani tahun 2024. Motto enda enggo idalanken Moria i bas bidang pelayanen (diakoni). I bas piga-piga keluarga senina turangta si kepesengen tahun 2023. Lit I ujung sampun, sibolangit, lit ka i Lau baleng, janah seh ku tahun 2024 pe lit  jabu si kepesengen i daerah lau baleng. La gia melala tapi Moria ikut nampati temannta enda nehken toto gelah paguh ras mejuah-juah bage pe mereke tanda ate keleng subuk man warga GBKP bage pe man non GBKP. Kerina ibereken rikutken anggaren si enggo ibahan moria.

Selain si kepesengen, moria pe mereken penampat man si sakit menahun bage pe sakit mekelek rikutken pengidah moria runggun ras  moria Klasis. Enda piga-piga pelayanen si enggo idahiken bidang diakonia, si banci ernanam man sekelewetna.