Sada Aron Kap Kita

Kenca dung Moria er sosialisasi BPAM, reh bagesna penggejapen ‘sada aron.’ Aron e me persadan si erdahin i bas sada ingan entah juma, i je lit tuan si ngaturken pendahinna. Moria GBKP e me sada aron, sada inganta erdahin ras sada tuan si ngaturken pendahinta. Dibata kap tuanta, si mada dahin e, si ngaturken kerina pedahinta. Juma Dibata e tuhu mbelang,  e me GBKP si malem enda.  Biak si lit i bas aron e me si sampat-sampaten, kepate nandangi teman ras la pertewas. Janah aron e erdahin, ercakap-cakap ras nuri-nuri  ia sapih-sapih ia, melala si man turinken subuk kerna jabu, pertemanen ras perduiten.  Deba beluh ka ia erbahan pertawan e maka radu tawa ka ia kerina. Tarum bage la gejap enggo dung dahin.

Bage me niarapken man banta kerina pengurus Moria klasis se GBKP, kita sada aron kap, Dibata si mada aron e ras si mada dahin e.    Si ras-ras ken ndahiken dahin e, si sampat-sampaten ras kepate kita nandangi teman si perlu man sampaten. Sada aron kap kita ndahiken dahin Tuhan.